Տղամարդկանց համար նվերներ ընտրելը առաջին հայացքից այնքան էլ դյուրին գործ չէ, քանի որ տղամարդիկ զուսպ են իրենց զգացմունքները ցուցադրելու մեջ: Բայց դա չի նշանակում, որ տղամարդիկ անտարբեր են անակնկալների և նվերների նկատմամբ: ՈՒղղակի նրանք մի փոքր այլ կերպ են արձագանքում այդ ամենին: Հուզմունքը կամ էմոցիոնալ լինելը ամենևին էլ տղամարդկանց բնորոշ չէ:
Խորհուրդ 1. Բոլոր ժամանակներում էլ զարդերը, ինչպես կանանց, այնպես էլ տղամարդկանց համար եղել են ու կմնան ամենագեղեցիկ, ամենահաճելի ու սպասված նվերներից մեկը: Զարմանալ պետք չէ, քանի որ տղամարդուն նույնպես կարելի է նվիրել զարդեր` ապարանջաններ, մատանիներ, շղթաներ, կախազարդեր և նույնիսկ ականջօղեր (շատ են նվիրել Ֆրանսիայում՝ Վերածննդի ժամանակաշրջանից առաջ):
Խորհուրդ 2.Նվերն ընտրելիս չպետք է մոռանալ Ձեր սիրեցյալի ճաշակը և նախասիրությունները: Եթե Ձեր սիրելի տղամարդը խիստ գործարար է, ապա շատ տեղին կլինի նվիրել նրան ճարմանդներ, գնդասեղներ և սեղմակներ `փողկապի համար, մի խոսքով դասական ոճի զարդեր և աքսեսուարներ:
Խորհուրդ 3. Զարդեր և աքսեսուարներ ընտրելիս չպետք է մոռանալ Ձեր սիրելիի տարիքի մասին: Եթե նա երիտասարդ է, ապա համարձակորեն կարելի է նրան նվիրել ժամանակակից, օրիգինալ, հասարակ, միևնույն ժամանակ՝ խիստ շքեղ քարերով զարդեր: Իսկ եթե նա երիտասարդ չէ, ապա նրան կարելի է նվիրել իր նախասիրություններին և ներաշխարհին համապատասխան զարդեր և աքսեսուարներ:
Խորհուրդ 4. Նվեր ընտրելիս չպետք է մոռանալ, թե նա ում համար է և ինչ առիթով: Եթե Ձեր սիրելի տղամարդը ավտոմեքենայի մեծ սիրահար է, այդ դեպքում կարելի է նրան նվիրել բրելոկ՝ավտոմեքենայի լոգոտիպով, իսկ ծխախոտ օգտագործող տղամարդկանց կարելի է նվիրել կրակայրիչներ և ծխամորճեր:
Խորհուրդ 5. Նորաձևությունը ամեն տարի թելադրում է իր տենդենցը, ինչպես կանանց, երեխաների, այնպես էլ տղամարդկանց համար: Եթե Ձեր սիրելին հետևում է նորաձևությանը, ապա կարելի է նվիրել նրան ոչ միայն թանկարժեք զարդեր և աքսեսուարներ, այլ նաև բիժուտերիա՝ ստեղծված հատուկ տղաների համար:
