Ճարմանդները հայտնի են եղել դեռևս XVII-րդ դարում: Իսկ այժմ արդիական են նաև Հայաստանի բնակչության շրջանում և համարվում են անհրաժեշտություն` հատկապես գործարար տղամարդկանց շրջանում, որպես գեղեցիկ և էլեգանտ աքսեսուար: Որպես նվեր ճարմանդ գնելը այնքան էլ դժվար բան չէ, ուղղակի պետք է իմանալ, թե ինչպիսին է տվյալ տղամարդու բնավորությունը և նախասիրությունները: Չպետք է մոռանալ, ոչ միայն ճարմանդի գեղեցկության մասին,այլ նաև հարմարավետության : Տղամարդիկ հազվադեպ են կրում աչքի ընկնող զարդեր, իսկ ահա նորաոճ ճարմանդները ընդունակ են լրացնելու և պահպանելու խիստ գործնական կերպարը: Այսօր ճարմանդների բազմազանությունը շատ մեծ է:Այն լինի ոսկյա թե արծաթյա, միևնույնն է ,տղամարդուն հաղորդում է յուրահատուկ տեսք:
Խորհուրդ 1. Այստեղ ամեն ինչ կախված է տղամարդու ճաշակից և ոճից: Եթե դուք գիտեք, որ նա ոսկյա ժամացույց է կրում նշանակում է, որ ճարմանդները ևս պետք է լինեն նույն մետաղից: Բացի նրանից, որ ճարմանդները կարելի է համապատասխանեցնել ժամացույցի հետ, այն կարելի է համադրել փողկապի, բրելոկի, մատանու և այլ աքսեսուարների հետ:
Խորհուրդ 2. Ճարմանդներ ընտրելիս պետք է հիշել և նկատի ունենալ, որ նրանք լինեն ոչ միայն գրավիչ, այլ նաև թեթև, ինչ-որ տեղ հանելուկային և հարմարավետ:
Խորհուրդ 3. Օվալ ճարմանդները դասական են և համապատասխան գրեթե ամեն տեղ կրելու համար: Սա իդեալական տարբերակ է, եթե դուք պատրաստվում եք որպես նվեր գնել , քանի որ այն կհամապատասխանի ցանկացած ճաշակի և հագուստ կրող տղամարդու:
Խորհուրդ 4.Ճարմանդ գնելու առավելությունն այն է, որ չափ անհրաժեշտ չէ և խնդիրներ չի առաջանում ինչպես օրինակ` մատանի գնելիս:
Խորհուրդ 5. Նրանք ովքեր նոր են սկսել կրել ճարմանդներ, խորհորդ ենք տալիս ընտրել գրաֆիկական և մինիմալիստական ոճի ճարմանդներ: Այս ոճի ճարմանդերը հասարակ են, էլեգանտ և հիանալի համապատասխանում են պաշտոնական և ոչ պաշտոնական հավաքույթների ժամանակ: Այս ճարմանդները կարելի է կրել սմոկինգների և կոստյումների հետ գործնական հանդիպումների ժամանակ և հատկապես հիասքանչ են նայվում ժամադրությունների և պսակադրությունների ժամանակ:
Խորհուրդ 6.Համաձայնեք, որ թանկարժեք քարերով պատրաստված ճարմանդները հասարակ կոստյումի հետ կրելիս շատ ծիծաղելի և ոչ գեղեցիկ կերևան: Դրա համար էլ խորհուրդ ենք տալիս առաջին հերթին ընտրել կոստյումը:
Խորհուրդ 7.Վերջին տենդենցները թելադրում են կրել սպիտակ մետաղից ճարմանդներ` քիչ քանակությամբ թանկարժեք քարերով: Ոսկյա ճարմանդները` հատկապես սև գծերով, տեղին կլինի կրել երեկոյան տոնական առիթների ժամանակ: Մի խոսքով այս տարբերակը հարմար է նաև այն տղամարդկանց համար, ովքեր զբաղվում են լուրջ գործերով և բարձր դիրք ունեն հասարակության մեջ:
