Ինչպիսի զարդեր նվիրել Ամանորին.
Ինչպիսի զարդեր նվիրել Ամանորին
Ահա և մոտենում է Ամանորը: Ժամանակն է մտածել գեղեցիկ նվերների մասին: Իսկ որ նվերը կարող է ավելի գեղեցիկ լինել քան ոսկյա կամ արծաթյա զարդը, ինչպես նաև նորաոճ բիժուտերիան: Այս ազնիվ մետաղի շքեղ փայլը կպարգևի Ձեզ և Ձեր հարազատներին շքեղություն և անմոռանալի կդարձնի Ամանորը: Չմոռանանք, որ ի սկզբանե զարդերը ամբոխից առանձնանալու, ուշադրություն հրավիրելու,այն կրողին առանձնահատկություն տալու, նրբաճաշակությունը ընդգծելու համար են ստեղծված: Նրանց շնորհիվ կարելի է հաղորդել տրամադրություն, հասնել ամբողջական պատկերի կատարելության:Չէ որ ճիշտ ընտրված զարդը հիանալի լրացում է և՛ առօրյա և՛ երեկոյան հագուստի համար: Եվ այսպես մի քանի խորհուրդ ,թե ինչպիսի զարդեր նվիրել Ամանորին:
 Խորհուրդ 1. Այս ոսկերչական մատանին յուրատեսակ զարդ է, ստեղծված ինքնավստահ մարդկանց համար:Այն ամբողջովին իր մեջ է ներառում նորաձևության բոլոր նորարարությունները և իր կրեատիվ,աբստրակտ դիզայնով հմայում է բոլորին:
Խորհուրդ 2. Տղամարդկանց անհրաժեշտ է հիշեցնել, որ աղջիկների լավագույն (ընկերները) համարվում են ադամանդները: Ամենացանկալի նվերը ձեր սիրելի կանանց համար, դա ադամանդե քարով մատանին է: Այն ցանկացած խոսքից առավել կպատմի ձեր զգացմունքների մասին: Եթե դուք որոշել եք գնել մատանի ադամանդե քարով, ապա կատարել եք շատ ճիշտ ընտրություն: Հիասքանչ գեղեցկություն ունեցող այս քարը, որը ընդունակ է նաև իր գույները փոխելու ոսկու հետ միասին ,ուղղակի անկրկնելի գեղեցկություն և նրբություն կհաղորդի ձեր սիրելիին:
Խորհուրդ 3. Խոսելով ադամանդի մասին, չենք կարող չանրադառնալ մյուս չորս ճանաչված և ոչ պակաս հիացմունք առաջացնող քարերի մասին, որոնք ևս անփոխարինելի նվեր են Ամանորի համար: Դրանք են` շափյուղան, զմրուխտը, ռուբինը և ալեքսանդրիտը: Առաջին կարևոր հատկությունը այս քարերի` դա նրանց գեղեցկությունն է, և հարուստ գունային գամման: Գեղեցիկ շղթան, թևնոցը կամ մատանին, պատրաստված այս չորս քարերից որևէ մեկով ,շքեղություն կհաղորդի ձեր ընտրյալին:
      
Խորհուրդ 4. Խոշոր ծաղիկների տեսքով զարդերը, պատրաստված թանկարժեք և կիսաթանկարժեք քարերից ,նորից նորաձևության կենտրոնում են՝ իրենց ողջ հմայքով: Նորաձև են ոչ միայն թևնոցները, շղթաները, մատանիները, այլ նաև աքսեսուարները և հագուստները: Այս զարդերը շատ գեղեցիկ են նայվում ,քանի որ տալիս են կանանց քնքշություն, եթերայնություն, խորհրդավորություն: Եթե ցանկանում եք տեսնել ձեր կողքին հենց այդպիսի կին, ապա Ամանորի գիշերը նվիրեք նրան հենց այդպիսի զարդ:
Խորհուրդ 5. Տղամարդկանց համար հիանալի ամանորյա նվեր է պողպատից պատրաստված զարդերը համալրված կաուչուկի, ոսկու, բնական քարերի և արծաթի բաղադրամասերով: Այս ձուլվածքը հատկապես լայն տարածում գտավ 20-ից 40 տարեկան նորաոճ տղամարդկանց շրջանում: Մի կողմից այս ոսկերչական գործերը հետաքրքիր են նրանով,որ նրանք կոռոզիայի չեն ենթարկվում, դիմացկուն են, ծովի ջրի, արևի ճառագայթների նկատմամբ, երբեք իրենց գույնը չեն փոխում և չեն մգանում: Այս գործերը համարվում են ժամանակակից նորաձևության ոգին:
Խորհուրդ 6. Օրիգինալ և հաճելի նվեր է տղամարդու համար շվեցարական ժամացույցը ՝զարդարված թանկարժեք բնական քարերով:
Խորհուրդ 7. Իսկ բացառիկ, յուրահատուկ դիզայնով պատրաստված ոսկյա ճարմանդները` զարդարված հիասքանչ ադամանդներով, կլրացնեն բարձր խավի գործնական և դասական ոճը նախընտրող տղամարդկանց կերպարը:
Խորհուրդ 8. Չմոռանանք նաև փոքրիկ արքայադուստրերին: Հիանալի Ամանորյա նվեր է աղջիկ երեխաների համար բրոշը: Ամենակարևորը, որ նվեր ընտրելիս այն անեք սիրով և ուրախ տրամադրությամբ: Այս տեսակի նվեր ընտրելով դուք կստեղծեք տոնակատարության մթնոլորտ, որը կհիշեցնի ձեր երեխային ձեր զգացմունքների մասին: Այն շատ հաճելի նվեր կլինի և ձեր բալիկը մեծ հպարտությամբ ցույց կտա այն իր ընկերներին և ծանոթներին:
|
