Ինչ զարդեր կրել Ամանորի գիշերը.
Ինչ զարդեր կրել Ամանորի գիշերը
Խորհուրդ 1. Եթե ձեզ հոգեհարազատ է դասական ոճը և դուք նախընտրոմ եք կոստյումներ, խորհուրդ ենք տալիս ընտրել էլեգանտ մատանի՝ համեստ քարով: Բայց ուշադիր եղեք և հաշվի առեք այն հանգամանքը, որ մատանին ընդգծում է ձեռքի գեղեցկությունը և եթե ձեր կատարած ընտրությունը ձախողվի, ապա ցանկալի արդյունքի փոխարեն այն հակառակ տպավորություն կթողնի: Օրինակ` փոքրիկ ձեռքերով կանանց խորհուրդ ենք տալիս ընտրել` նեղ, փոքրիկ ներդիրներով մատանիներ:
Խորհուրդ 2. Լայն թևնոցներ, խոշոր ուլունքներ, համատեղված մեծ շղթաներով, խոշոր կախազարդեր ահա թե ինչպիսին պետք է լինի ձեր ընտրությունը ամանորի գիշերը: Երկար ուլունքները տեսականորեն ձեր պարանոցը ավելի անթերի կդարձնեն և կքողարկեն որոշ թերություններ: Իսկ եթե դուք ունեք երկար գեղեցիկ պարանոց, ապա ձեզ խորհուրդ ենք տալիս կրել ընդգրկող մանյակներ ու շղթաներ:
Խորհուրդ 3. Աֆրիկյան մոտիվներով զարդերը ևս շատ ակտուալ են այս տարի: Դիզայներները այդ զարդերը պատրաստում են կաշվից, փղոսկրից, ինչպես նաև պանցիռ կոչվող նյութից: Խորհուրդ ենք տալիս ամանորի գիշերը կրել շղթաներ պատրաստված տարատեսակ և բազմագույն քարերից: Այն հիանալի զարդարանք կլինի երեկոյան զգեստի համար: Իսկ միարժամանակ մի քանի պարանոցային զարդերի շնորհիվ կարելի է թարմ տեսք հաղորդել գործնական ոճը նախընտրող մարդկանց հագուստին և այն ձևափոխել՝ դարձնելով ավելի սեքսուալ և երեկոյան:
Խորհուրդ 4. Խելամտորեն ընտրված թևնոցները արդյունավետորեն կզարդարեն ամանորյա հագուստը:
Խորհուրդ 5. Մի փոքր խորհուրդ ականջողերի սիրահարներին: Եթե դուք ցանկանում եք ձեր ամանորյա կերպարը լրացնել հենց ականջողերի օգնությամբ, ապա հաշվի առեք հետևյալ խորհուրդը. ճիշտ ընտրված ականջօղը ընդգծում է դեմքի ձևը, պարանոցը և ուսերը: Խոշոր ականջողեր չի կարելի կրել այն կանանց ում դեմքը շատ թմբլիկ է ու ամբողջական, ինչպես նաև երկարավուն դեմք ունեցող կանանց: Իսկ ամենակարևորը մի մոռացեք, որ ականջողերը պետք է համապատասխանեն ձեր աչքերի գույնի հետ:
Խորհուրդ 6. Գրեթե մոռացված զարդի տեսակ է համարվում կանացի մազակալը: Դիզայներները ստեղծելով այսպիսի զարդի տեսակ ոգեշնչվել են ինքնին բնությունից, ծաղիկներից, թռչուներից, թիթեռներից: Եթե ցանկանում եք տարբերվել ամանորի գիշերը ձեր գեղեցիկ սանրվածքով, ապա խորհուրդ ենք տալիս կրել գեղեցիկ քարերով և ձեր երևակայությանը համապատասխանող մազակալ:
Խորհուրդ 7. Եվ վերջապես ինչ տոն առանց փոքրիկ երեկոյան պայուսակի: Տոնական պայուսակը պետք է լինի չափերով փոքրիկ, իսկ պատրաստված պետք է լինի թավիշից, մետաքսից, կերպասից, ատլասից և թանկարժեք կաշվից: Բռնակները ցանկալի է լինեն կարճ, կամ ընդհանրապես բռնակ չունենա: Իսկ գունային գամման պետք է ներդաշնակ լինի ձեր ամբողջական կերպարի հետ:
|
