Նվերներ զարդերի տեսքով Սբ. Վալենտինի օրվա կապակցությամբ.

Նվերներ զարդերի տեսքով Սբ. Վալենտինի օրվա կապակցությամբ

Սուրբ Վալենտինի օրը յուրահատուկ օր է, քանի որ այն սիրո օր է: Իսկ կա աշխարհում ավելի գեղեցիկ զգացմունք քան սերը... իհարկե ոչ: Սուրբ Վալենտինի օրը յուրահատուկ անցկացնելու համար սիրահարները իրար անակնկալ նվերներ են մատուցում: Ավանդական նվերներ են հանդիսանում կոնֆետները, ծաղիկները, փափուկ խաղալիքները, օծանելիքները: Սակայն եթե դուք ունեք մեծ հնարավորություն և ցանկանում եք տարբերվել ձեր օրիգինալությամբ, ապա հետևեք մեր խորհուրդներին:

Խորհուրդ 1. Մենք խորհուրդ ենք տալիս նվիրել ձեր սիրելիներին ոսկյա զարդեր ծաղիկների տեսքով, սրտիկների տեսքով, դասական ոճի կամ կրեատիվ, աբստրակտ կամ ռոմանտիկ ոճի զարդեր, կամ թե խորհուրդ պարունակող, թալիսման քարերով պատրաստված զարդեր: Ռոմանտիկ ոսկյա զարդերի դասին են պատկանում վառ գույնի թանկարժեք կամ կիսաթանկարժեք քարերը, սրտիկի, ծաղիկի տեսք ունեցող զարդերը: Հիանալի կոմպոզիցիա են կազմում ադամանդե քարով պատրաստված մատանիները կամ ականջօղերը:

Խորհուրդ 2. Իսկ ահա տղամարդկանց շատ տեղին կլինի նվիրել թևնոց: Իսկ կանանց նռնաքարից կամ զմրուխտից մատանիներ ու վզնոցներ: Արծաթյա զարդերը, բիժուտերիաները նույնպես հիանալի նվեր են ձեր սիրելիների համար:

Խորհուրդ 3.Սիրահար սրտերը, ովքեր վայելում են Վալենտինի օրը ճանապարհորդելով, խորհուրդ ենք տալիս նվիրել իրենց սիրելիներին ծովակնից պատրաստված որևէ զարդ: Այս քարի չքնաղ գունային գամման ուղղակի կհիացնի ձեր սիրելիին, իսկ իր մեջ պարունակվող խորհուրդը միշտ կուղեկցի նրան ու որպես թալիսման, կպահպանի բոլոր տեսակի փորձանքներից ու հավերժ կամրապնդի ձեր ընկերական կամ ամուսնական հարաբերությունները:  Իսկ մարգարտե քարով ընտրված զարդը թալիսման է հավատարմության և մաքուր սիրո:

Խորհուրդ 4. Պետք է հարցին մոտենալ ստեղծագործաբար: Օրինակ եթե դուք պլանավորում  եք  անակնկալ մատուցել ձեր կնոջը, ապա փորցեք պատկերացնել ,թե նա ինչպես կընդունի ռոմանտիկ բրոշը իր վերարկուի վրա:

Խորհուրդ 5. Իսկ տղամարդկանց կարելի է անակնկալ մատուցել՝ նվիրելով հնաոճ ճարմանդ իր սիրելի վերնաշապիկի համար:

Խորհուրդ 6. Միշտ ուշադրություն դարցրեք ձեր ընտրած նվերի արտադրության և դիզայնի վրա: Ամենակարևորը գնեք այն ինչը ձեզ դուր է գալիս: Եթե ձեր նվերը ուզում եք ավելի արժեքավոր լինի, ապա Սրբ. Վալենտինի օրը, նվերը տալուց առաջ, ասեք այն խոսքերը, որ կանայք ամենաշատն են սիրում.  Ես քեզ սիրում եմ: Դա նրան կպարգևի կրկնակի և աննկարագրելի երջանկություն:

Խորհուրդ 7.Հարգելի ընթերցողներ կարելի է անվերջ  խոսել այս կամ այն նվերի մասին, բայց կա կյանքում մի անգին նվեր, որը թանկ է ամենաթանկ զարդից, ամենաթանկարժեք նվերից: Դա սերն Է: Այն ամենամեծ զգացմունքն է, որն արարում է նոր մարդիկ և ստեղծում է մարդկային մեծագույն արժեքներ: Մաղթում ենք ձեզ մաքուր ու ջինջ սեր, թող որ Սուրբ Վալենտինը միավորի բոլոր սիրահար սրտերը: